«Karlo Felıche» sahnasyndaǵy «Astana Operanyń» ónerin álemniń qyryq eli kórsetedi (FOTO)
ASTANA. QazAqparat - «Karlo Felıche» teatrynda qazaqstandyq «Astana Opera» teatrynyń gastroline oraı baspasóz máslıhaty ótti. Genýıanyń úzdik buqaralyq aqparat quraldary elordalyq trýppaǵa úlken qyzyǵýshylyq tanytty, dep habarlaıdy «Astana Opera» teatrynyń baspasóz qyzmeti.
Jýrnalıster «Astana Opera» teatry solıstteriniń óte jas ekendigin atap ótti. Olar ıÝrıı Grıgorovıchtiń «Spartak» baletin bılegenderine qansha bolǵanyn da surap jatty.
- Astanada bul spektakldiń tusaýkeseri ótken jyldyń maýsymynda ótti, - dep jaýap qatty «Astana Opera baletiniń kórkemdik jetekshisi Tursynbek Nurqalıev. - Bıshiler quramyn maestronyń ózi iriktedi. Sheber solısterdiń jasyna emes, oryndaý sheberligine qaraıdy dep esepteımin. 2007 jyly Mádına Baspaeva Romo syılyǵynyń laýreaty atanǵanyn aıta keteıin. Jastyǵyna qaramastan, olar kásiptik turǵydan alǵanda aıtarlyqtaı jetilgen».
BAQ ókilderi qazaqstandyq bı mánerin, oryndaý ereksheligin naqty ne sıpattaıtynyna qyzyqty.
«Qazaq baleti orys mektebinen bastaý alady, búgingi klassıkalyq balettegi barlyq úrdis qazaq baletinde de bar. Bizdiń solıstterdiń oryndaýyndaǵy basty erekshelik - olardyń emotsııalyq kúshinde, akterlyq sheberliginde», - dedi Tursynbek Nurqalıev.
Baspasóz máslıhaty barysynda sheteldik aqparat ókilderi «Astana Opera» teatry, onyń álemniń kóptegen teatrlarymen seriktestigi jaıly aqparattan sýsyndady. Sol óner ordalarynyń ishinde «Karlo Felıche» de bar, naqtyraq aıtsaq, teatrdyń art-dırektory, «Astana Opera» teatrynda «Romeo men Djýletta» spektakliniń tusaýkeserinde dırıjerlyq etken maestro Djýzeppe Akvavıvamen seriktestik jalǵasýda.
Munymen qatar kórme ótetin jyly «Astana Opera» teatrynda La Skala jáne Metropolıten-opera sııaqty álemdik opera jáne balet teatrlary óner kórsetedi dep kútilýde, «Karlo Felıche» ákimshiligi de aldyn ala bul sharaǵa qatysatyndaryna kelisimderin bildirdi.
«Astana Opera» teatrynyń Genýıadaǵy óner kórsetkeni álemniń qyryq eline tikeleı efırde taratylatynyn atap ótken mańyzdy. Italııadaǵy «Spartak» baletin 21 qańtarda 20:30 (Astanada 22 qańtarda saǵ. 01:30) jáne «Gala» baǵdarlamasyn 23 qańtarda 20:30 (Astanada 24 qańtarda saǵ. 01:30) tamashalaýǵa bolady.
