Karlo Anchelottı - klýbtyq deńgeıdegi álemniń úzdik bapkeri
ASTANA. QazAqparat - Halyqaralyq fýtbol tarıhy men statıstıkasy federatsııasy (IFFHS) ıtalııalyq Karlo Anchelottıdi 2022 jylǵy klýbtyq deńgeıdegi úzdik bapker ataǵyna laıyqty dep tanydy, dep habarlaıdy QazAqparat tilshisi.
Karlo Anchelottı byltyr Ispanııanyń «Real Madrıd» klýbymen UEFA Chempıondar lıgasy men Ispanııa chempıony ataǵyn jeńip aldy. Ol óziniń mansabynda jyldyń úzdik bapkeri ataǵyna úshinshi márte ıe bolyp otyr.
Daýys berý nátıjesinde «Manchester Sıtı» bas bapkeri Pep Gvardıola ekinshi oryn aldy. Al Marokko quramasy men «Vıdad» klýbynyń bas bapkeri Valıd Regragı klýbtyq deńgeıde CAF Chempıondar lıgasynda bas báıge alsa, Marokko birinshiliginde top jardy.
IFFHS nusqasy boıynsha klýbtyq deńgeıde úzdik atanǵan bapkerler tizimi
1. Karlo Anchelottı («Real»);
2. Hosep Gvardıola («Manchester Sıtı»);
3. Valıd Regragı («Vıdad»);
4. ıÝrgen Klopp («Lıverpýl»);
5. Joze Moýrınıý («Roma»);
6. Olıver Glosner («Aıntraht);
7. Ýnaı Emerı (»Vılıarreal«/«Aston Vılla»);
8.. Dorıval Djýnıor («Falmengo»);
9. Abel Ferreıra («Palmeıras»);
10. Ýgo Ibarra («Boka Hýnıors»).
Eske salsaq, budan buryn fýtbolshy Garet Beıl kásibı mansabyn aıaqtady.
FOTO: GETTY IMAGES
