Karlo Anchelottı fýtboldan Brazılııa quramasynyń bas bapkeri bolyp taǵaıyndaldy

ASTANA. KAZINFORM – Italııalyq maman Karlo Anchelottı fýtboldan Brazılııa quramasyn jattyqtyrady.

K.Anchelottıdiń taǵaıyndalǵany jóninde Brazılııa fýtbol konfederatsııasy X (burynǵy Twitter) áleýmettik jelisinde málim etti. 

Madrıdtik «Real» klýbynyń jattyqtyrýshysy K.Anchelottı osy maýsym aıaqtalysymen jańa jumysyna kirisedi. 

- Brazılııa quramasyna Karlo Anchelottıdiń kelýi strategııalyq qadamnan da mańyzdy. Munymen biz álemdegi birinshi orynǵa qaıta oralatynymyz jóninde nıetti ekenimizdi málimdeımiz. Ol – tarıhtaǵy atyshýly bapker. Dúnıe júzindegi uly klýbtarǵa basshylyq etti. Biz birge Brazılııa fýtbolynyń tarıhynda jańa dańqty better jazamyz, - dedi Brazılııa fýtbol konfederatsııasynyń basshysy Ednaldo Rodrıges.

Anchelottı Brazılııa quramasyna bıylǵy 6 maýsymda Ekvadormen jáne 11-inde Paragvaımen ótetin oıyndarynda basshylyq etetin bolady.

Italııalyq mamannyń jetekshiligimen «Real klýby eki ret Ispanııa chempıonatyn utty. Sondaı-aq úsh dúrkin ÝEFA chempıony atandy.

Eske sala keteıik, budan buryn «Realdy» iri eseppen utqan «Barselonanyń» Ispanııa sýperkýbogyn jeńip alǵanyn jazǵan edik.