Karlag tarıhynyń qujattary elektrondyq nusqaǵa kóshirilýde
«Rýhanı jańǵyrý» baǵdarlamasy boıynsha jobany Shahtınsk qalasynyń kitaphanashylary júzege asyrýda. Arnaıy osy maqsatta mekeme joǵary atqarymdy jyldam skaner satyp alǵan eken.
«Rýhanı qazyna» qosalqy baǵdarlamasy boıynsha biz «Karlag tsıfrlyq formatta» jobasyn quryp, qorǵadyq. Ol bir bet mátindi 0,3 sekýnd ishinde tamasha sapamen elektrondyq nusqaǵa aýystyrýǵa múmkindik beredi, - deıdi Shahtınsk qalasynyń kitaphana dırektory Irına Kalınına.
Dolınka kentindegi saıası qýǵyn-súrgin qurbandaryn eske alý murajaımen kelisim boıynsha kitaphanashylar olardyń materıaldaryn sandyq nusqaǵa aýystyrýdy bastady. Birinshi kezeńde elektrondyq formatqa shamamen 400 kitap jáne gazet basylymdaryn aýystyrý josparlanyp otyr. Murajaı qorynda 30-shy jyldardaǵy gazetter bar: latyn qarpimen jazylǵan maqalalary bar «Jańa jol» jáne «Pýtevka» gezetteri.
Kelesi kezekte tarıhı qujattar sandyq nusqaǵa kóshiriletin bolady: NKVD buıryqtary, qýǵynǵa ushyraǵandardyń hattary jáne t.b. Sonan soń olar qujattarǵa kez-kelgen nıet bildirýshi Ortalyq kitaphanalyq júıe saıty arqyly qol jetkize alady.
2019-shyjylǵa taǵy bir joba josparlanyp otyr: «Tsıfrlyq formattaǵy kitaphana». Shahtınskilikter elektrondyq formatqa ózderiniń sırek kezdesetin jáne eski basylymdaryn, sondaı-aq ólketaný materıaldaryn kóshire bastaıdy.
«Bizdiń kitaphanamyzda qundy ádebıetter bar. Mysaly, 1897-shi jyly basyp shyǵarylǵan «Peredvıjnıkı» kitaby, onyń taratylymy nebary 100 danany quraıdy. Ádebı basylymdar sandyq nusqaǵa aýystyrylady», - dep atap ótti Irına Kalınına.
