QarLag-qa qatysty eksklıýzıvti materıaldar jaryq kórdi

Bul ǵylymı-zertteý eńbekte KSRO ІІM Lagerler bas basqarmasynyń kezinde Reseı aýmaǵynda uıymdastyrylǵan erekshe lagerler (№1 Mıneralnyı, №2 Gornyı, №3 Dýbravnyı jáne №5 Beregovoı) tarıhynyń problemalary, basym kópshiligi ǵylymı aınalymǵa alǵash ret enip otyrǵan aýqymdy qujattyq materıaldar negizinde baıyptalyp, máseleniń osyǵan deıin az zerttelgen tustary qarastyrylǵan. Sondaı-aq buryn-sońdy esh jerde jarııalanbaǵan eksklıýzıvti tarıhı materıaldar engizilgen.

Tutqyndardyń sany men quramy, lagerdegi ómiri, olarǵa kórsetilgen medıtsınalyq qyzmet sapasy, aýrý túrleri men ólim-jitim, eńbekke paıdalaný sıpaty men aýqymy, sonymen birge lager jeke quramynyń jumys sıpaty barynsha jan-jaqty taldanady.

Joba jetekshisi, QR UǴA korrespondent-múshesi, zań ǵylymdarynyń doktory, professor Nurlan Dýlatbekovtiń aıtýynsha, Keńes Odaǵynyń HH ǵasyr ortasyndaǵy tarıhy otandyq, reseılik jáne sheteldik ǵalymdar tarapynan qansha zertteldi desek te, áli kúnge deıin oń baǵasyn ala qoımaǵan aqtańdaqtary jetkilikti. Bul - ásirese keńestik memlekettiń sol kezeńde áleýmettik-ekonomıkalyq jáne saıası-quqyqtyq fenomeni bolǵan, tutas memlekettiń tarıhyna úlken áser etken lager-túrme júıesiniń qurylýymen tyǵyz baılanysty jáne tarıhnamada qaıshylyqtarǵa toly kezeń.

Joba aıasynda osy kúnge deıin jıyrmadan astam kitap jaryq kórgen bolatyn.