Karl Froch: Qalaı deseńder de men Golovkındi jeńe alamyn
ASTANA. QazAqparat - WBA nusqasy boıynsha sýper orta salmaqtaǵy álem chempıony Karl Froch sporttyq jolyn aıaqtar aldynda IBF nusqasy boıynsha álem chempıony Djeıms Dıgeılmen nemese orta salmaq boıynsha WBA (Super) jáne WBS (Interim) tıtýldarynyń ıegeri Gennadıı Golovkınmen kezdesýdi josparlap otyrǵanyn aıtty, dep habarlady sports.k.
- Jaqyn arada boksshy retindegi sporttan ketýge týra keledi, mundaı sheshimdi osy aptada qabyldaıtyn shyǵarmyn, - degen Frochtyń sózderin keltirgen talkSPORT. «Alaıda qazirgi jaǵdaı bul sheshimge kelýimdi keıinge qaldyratyn syńaıly. Men Dıgeıl nemese Golovkınmen kúsh synasqym keledi. Sońǵy kezdesýim qazaqstandyqpen bolýy múmkin. Kópshilik meniń jeńetinime senbeıdi. Al bul meni kerisinshe jigerlendiredi. Meni meıli aqymaq nemese júrekti dep atańyzdar, men jeńe alatynyma senimdimin».
