Qarqyndy ekonomıkalyq ósim kerek - Oljas Bektenov
ASTANA. KAZINFORM — Ekonomıkalyq ósimdi yntalandyrýǵa qarjy bólý baǵytynda jumys isteý qajet. Bul týraly Úkimet otyrysynda Premer-mınıstr Oljas Bektenov aıtty.
- Qazir kóptegen el ekonomıkalyq ósimdi yntalandyrýǵa qyrýar qarjy bólip jatyr. Men ózińizge, Serik Maqashuly (Premer-mınıstrdiń orynbasary – Ulttyq ekonomıka mınıstri Serik Jumanǵarın) tıisti aqparatty jiberdim. Germanııa boıynsha, basqa da elder osy baǵytta belsendi jumys istep jatyr. Sondyqtan bizge de osy baǵytta jumys isteý kerek. Bizge qarqyndy ekonomıkalyq ósim kerek. Árıne, sapasy da bolýy qajet. Biraq, qarqyny óte mańyzdy. Sondyqtan jumystaryńyzdy jalǵastyra berińizder, - dedi Úkimet basshysy.
Aıta keteıik, Úkimet otyrysy barysynda Serik Jumanǵarın 2025-2029 jylary aralyǵynda jıyntyq ınvestıtsııa 400 mlrd AQSh dollaryna jetetinin aıtqan edi.