Qarqaralydaǵy órttiń beti qaıtaıyn dedi
QARAǴANDY. QazAqparat – Baqty orman sharýashylyǵyndaǵy órtti sóndirýge Baıanaýyl memlekettik ulttyq tabıǵı parki men «Buırataý» memlekettik ulttyq tabıǵı parkiniń qyzmetkerleri qosyldy, dep habarlaıdy QazAqparat tilshisi.
Jalpy tilsiz jaýmen 329 adam kúresip jatyr, 60 tehnıka bar. Olardyń arasynda TJD kúshteri, Ulttyq ulannyń «Ortalyq» óńirlik qolbasshylyǵynyń 52859 áskerı bólimshesi, Qarqaraly, Baıanaýyl, «Buırataý» memlekettik ulttyq tabıǵı parkteriniń, QR ormandar men janýarlar dúnıesin qorǵaý sharýashylyǵynyń, «Qazavıaqutqarý» AQ, «Qazavıaormanqorǵaý» RMKK kúshteri, erikti órt sóndirýshiler bar.
Tótenshe jaǵdaı aýmaǵynda jedel shtab qurylǵan.
Órtti sóndirýge jerden de, áýeden de kúsh salynyp jatyr.
Jalyn sharpyǵan aýmaqtyń jıyntyq aýdany shamamen 2870 gekter, sonyń 1320 gektary – orman.
Qazir órttiń basqa aýmaqtarǵa taraýy toqtatyldy.
Eske sala keteıik, 12 tamyzda saǵat 17:26-da órt sóndirý qyzmetine Qaraǵandy oblysy Qarqaraly aýdany Egindibulaq kentinen 30 shaqyrym qashyqtyqta, Qarqaraly memlekettik ulttyq tabıǵı parkiniń Baqty orman sharýashylyǵynyń aýmaǵynda qurǵaq shóp janyp, órt ormanǵa taralǵany týraly habar túsken.
Keshe Qaraǵandy oblysynyń ákimi Erlan Qoshanov TJ rejimi jarııalanǵan Qarqaraly aýdanyna bardy.
