Qarqaralydaǵy órt 1,5 myń gektar ormandy sharpydy
NUR-SULTAN. QazAqparat – Qarqaraly memlekettik ulttyq tabıǵı parki Baqty orman sharýashylyǵyndaǵy shyqqan órttiń jalpy aýdany 2 500 gektarǵa jetti. Sonyń ishinde memlekettik orman qorynyń aýmaǵy 1 500 gektardy quraǵan, dep habarlaıdy QazAqparat QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar álemi komıtetine silteme jasap.
Komıtettiń baspasóz qyzmetiniń málimetinshe, oqıǵa ornyna 120 adam (Qarqaraly MUTP-dan 39 adam, Qaraǵandy oblystyq TJD-dan 61 adam, Qaraǵandy oblystyq tabıǵı resýrstar jáne tabıǵat paıdalanýdy retteý basqarmasynan 10 adam jáne t.b.), 16 órt sóndirý mashınasy, 3 traktor jáne 2 tikushaq, sý shashatyn qurylǵysy bar І synypty bir tikushaq (MI-8), MI-2 ekinshi tikushaǵy órt sóndirý qyzmetin áýeden baqylaýǵa tartyldy.
Qarqaraly aýdanynyń ákimdigi tótenshe jaǵdaı rejimin jarııalady.
Órt sóndirý qyzmeti órttiń taralýynyń aldyn alý jumystaryn júrgizip jatyr.
Eske salaıyq, 12 tamyzda saǵat 17:26-da órt sóndirý qyzmetine Qaraǵandy oblysy Qarqaraly aýdany Egindibulaq kentinen 30 shaqyrym qashyqtyqta, Qarqaraly memlekettik ulttyq tabıǵı parkiniń Baqty orman sharýashylyǵynyń aýmaǵynda qurǵaq shóp janyp, órt ormanǵa taralǵany týraly habar túsken.
