Qarqaralyda turǵyn úı qurylysy qarqyndy júrip jatyr
Qarqaraly aýdanynyń ákimi Eldar Dúısetaev Qaraǵandy oblysynyń basshysy Jeńis Qasymbektiń tóraǵalyǵymen ótken onlaın-keńeste 2020 jyldyń qorytyndysy men osy jylǵa arnalǵan josparlar týraly aıtyp berdi.
«Oblystyq bıýdjet qarajaty esebinen Qarqaralydaǵy sport kesheniniń qurylysy aıaqtalyp, sý aıdaıtyn munara salyndy, bes aýyldyq eldi mekenge sýmen qamtamasyz etý júıesi júrgizildi. Aýdan boıynsha tórt mektep pen Egindibulaq aýylyndaǵy mádenıet úıi kúrdeli jóndeýden ótti. 39 mektepte aǵymdaǵy jóndeý jumystary júrgizildi. 100 shaqyrymnan astam jol jóndeldi. 6 500 sharshy metr jaıaý júrginshiler joly abattandyryldy, 281 jaryqtandyrý baǵany ornatyldy», - dedi Eldar Dúısetaev.
Aýdan ákiminiń aıtýynsha, bıyl Egindibulaqta dene shynyqtyrý-saýyqtyrý kesheniniń qurylysy bastalady. Qarqaralyda «Nurly jer» memlekettik baǵdarlamasy aıasynda 18 páterli 6 turǵyn úı paıdalanýǵa beriledi. Turǵyn úımen 100-den astam otbasy qamtamasyz etiledi.
Sondaı-aq, sýmen jabdyqtaý jobalary jalǵasady. Appaz aýylynda sý qubyry jelileri qaıta qalpyna keltiriledi. «Jarly-Qarqaraly» toptyq sý júıesi qurylysyn bastaý boıynsha negizgi jobaǵa ınvestıtsııa qarastyrylǵan.
Oblys ákimi aýdan ákimshiliginiń josparly jumysyn atap ótti.
«Jumyspen qamtýdyń jol kartasy» baǵdarlamasy aıasynda 13 joba júzege asyryldy. Buǵan aýyldyq jerlerdegi mektepterdi, joldardy, sýmen jabdyqtaý jelilerin jóndeý kiredi. Eger jalpy áleýmettik-ekonomıkalyq damý týraly aıtatyn bolsaq, onda negizgi kórsetkishterdiń oń dınamıkasy baıqalady. Alda Qarqaraly aýdanyn damytý boıynsha kóp jumys bar, sondyqtan bosańsymańyzdar!» - dep atap ótti Jeńis Qasymbek.
