Qarqaralyda taǵy eki dala órti tutandy
QARAǴANDY. QazAqparat – Qaraǵandy oblysy Qarqaraly aýdanynda 2 ret dala órti shyqty. Qutqarýshylar olardyń birin aýyzdyqtap úlgerdi. TJD qyzmetkerleri ekinshi órtpen áli de kúresip jatyr, dep habarlaıdy QazAqparat tilshisi.
Qazirgi ýaqytta Qarqaraly aýdanynda dala órtiniń 2 jaǵdaıy tirkelip otyr. Yntaly aýylynan soltústik-batysqa qaraı 15 shaqyrym qashyqtyqta 49 gektar aýmaqta qurǵaq shóp janǵan. Órt 14 tamyz kúni 21:30-da aýyzdyqtaldy. Ony sóndirýge oblystyq TJD-nyń 10 qyzmetkeri men 2 tehnıka, erikti órt sóndirý qurylymdarynan 12 qyzmetker men 3 tehnıka tartyldy.
Ekinshi órt Edreı aýylynan soltústik-shyǵysqa qaraı 45 shaqyrym qashyqtyqta shyqqan. Jalyn sharpyǵan aýmaq anyqtalyp jatyr. Ony sóndirýge erikti órt sóndirý qurylymdarynan 17 qyzmetker men 5 tehnıka jumyldyryldy.
Sondaı-aq, Shet (2 órt), Aqtoǵaı jáne Nura aýdandarynda dala órti tutanyp jatyr.
Ótken táýlikte Shet, Abaı, Buqar Jyraý jáne Osakarovka aýdandarynda 11 dala órti aýyzdyqtaldy. Onyń aýmaǵy 5-48 gektar aralyǵyn qamtıdy.
Eske salaıyq, keshe Qaraǵandy oblysynyń ákimi Erlan Qoshanov TJ rejimi jarııalanǵan Qarqaraly aýdanyna bardy.
