Qarqaralyda múgedekterge arnalǵan ınnovatsııalyq ońaltý ortalyǵy ashylady
ASTANA. QazAqparat - Qarqaralyda osy jyly jańa ońaltý ortalyǵy ashylady. Ol jaıynda Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń mindetin atqarýshy Maksım Galıýllın Aımaqtyq baılanys qyzmetinde ótken brıfıng barysynda málimdedi, dep habarlaıdy óńirlik ákimdiktiń baspasóz qyzmeti.
Ortalyq Qarqaralyda ashylady. Onyń eń basty basymdylyǵy múmkindigi shekteýli jandardyń psıhıkalyq turaqtylyǵyn joǵarylatý boıynsha áleýmettik-medıtsınalyq kómekke baǵyttalatyn bolady.
Barlyǵy onda 64 naýqas ornalastyryla alady, onyń 15-i arbaǵa tańylǵandar bolady. Olarǵa terapevtik, nevrologııalyq, ortopedııalyq jáne travmotologııalyq kómek kórsetiledi. Ortalyq úshin fızıoterapevtik jáne mehanoterapevtik jabdyqtar alynady, emdik dene shynyqtyrý jáne sý protsedýralaryn, saz vannalaryn ótkizetin, saýnasy bar kabınetter jasalady.
Ońaltý ortalyǵyna jazylý osy jyldyń basynan bastap ashyldy. Ázirge oǵan 25 adam jazylǵan.
- Keremet kezek joq, - dedi Maksım Galıýllın. - Baǵdarlamany túsindirý aıasynda biz múmkindigi shekteýli azamattarǵa osy ońaltý ortalyǵynda em ala alatyndary týraly aıtqan bolatynbyz.
Ortalyqqa túsý úshin jeke ońaltý baǵdarlamasyn alý kerek. Ol úshin Medıko-sanıtarlyq saraptamadan anyqtama qajet, sondaı-aq dáriger keńesi men áleýmettik qorǵaý qyzmetinen anyqtama alý kerek. Ońaltý kýrsy eki aptadan jarty jylǵa deıin sozylýy múmkin. Naýqastyń dertine baılanysty anyqtalady.
