Qarqaralyda kópbalaly analar bıznespen aınalysýda

QARQARALY. QazAqapart – Qaraǵandy oblysynda kóp balaly analar memleket qoldaýymen óz bıznesin damytýda, dep habarlaıdy QazAqparat tilshisi.

Memlekettik qoldaýdyń arqasynda Merýert Syzdyqova óz bıznesin keńeıtýde. Memleket tarapynan berilgen kómek qarajatqa qajetti qural-jabdyqtar satyp alǵan. Ol aldaǵy ýaqytta býfet ashýdy josparlap otyr.

«Meniń 4 balam bar. Aldymen torttar men bálishterdi otbasyma jáne qonaqtarǵa pisirdim. Biraq kóp uzamaı tapsyrystar túse bastady. Sol kezde men óz bıznesimdi ashýdy sheshtim. Búgingi kúni bizde barlyq aýdan boıynsha úlken assortıment pen klıenttik baza quryldy. Osylaısha biz ataýly áleýmettik kómekten bas tarttyq. Járdemaqynyń ornyna óndirisimizdi keńeıtý úshin grant alýdy sheshtik. Bolashaqta tamaqtanatyn shaǵyn ortalyq ashsam deımin», - deıdi Merýert Syzdyqova.

Granttyń taǵy bir ıegeri Ásem Mamejanova keste tigýmen aınalysady. Alynǵan qarajatqa ol tigin mashınasyn satyp aldy.

«Men 40 jastamyn jáne bes balam bar. Kestemen burynnan aınalysamyn, biraq arnaıy mashınam bolmady, bárin qolmen jasaýǵa týra keldi. Bul kóp ýaqyt alady. Endi jumysym áldeqaıda ońaı bolady. Grantqa keste tigetin mashına satyp aldym. Jaqynda tapsyrys boıynsha jármeńke úshin aljapqysh tiktim. Tapsyrys barlyq aýdannan kelip túsedi. Balalarym maǵan kómektesýde», - deıdi kópbalaly ana Ásem Mamejanova.

Jyl basynan beri Qarqaraly aýdanynda osyndaı qarjylaı kómekti 110 kásipker aldy, onyń 8-i kóp balaly otbasylar.

«Bıylǵy jyldan bastap isin jańa bastaǵan kásipkerler úshin óz isin jáne bıznes-ıdeıalardy damytýǵa granttar qarastyrylǵan. Joba «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasy aıasynda júzege asyrylýda. Bizdiń aýdanymyz boıynsha osy jyly 110 kásipker 54 mln 287 myń teńgege qarjylyq kómek aldy. Olardyń 8-i kóp balaly otbasylar, 5-i jumyssyzdar, 5-i az qamtylǵandar, 5-i múmkindigi shekteýli adamdar jáne 87 jas kásipkerler. Bul jumys aldaǵy ýaqytta da jalǵasyn tabady», - dedi Qarqaraly aýdanynyń jumyspen qamtý ortalyǵynyń dırektory Qanat Babaıbekov.

Onyń aıtýynsha, grant alǵan kásipkerlerdiń kópshiligi qarajattaryn mal sharýashylyǵyn damytýǵa jumsamaq. Qalǵandary qyzmet kórsetý, tamaqtaný, kıim tigý jáne t.b. salasynda qyzmet kórsetýdi kózdep otyr.

Qazir aýdanda 439 otbasy ataýly kómek alýda. Olardyń 6-y járdemaqy alýdan bas tartyp, óz isin ashýǵa sheshim qabyldady. Osyǵan baılanysty granttarǵa qosymsha qarajat bólý múmkindigi qarastyrylýda.