Qarqaralyda erli-zaıyptylar adasyp ketti
ASTANA. QazAqparat - Qaraǵandy oblysy Qarqaraly aýdanynda adasyp ketken erli-zaıyptylar tabyldy, dep habarlaıdy QazAqparat tilshisi Qaraǵandy oblysynyń TJD baspasóz qyzmetine silteme jasap.
Vedomstvodan habarlaǵandaı, 2018 jyldyń 24 tamyzynda saǵat 16:55-te kezekshi pýltine Qarqaraly aýdanyndaǵy «Shahter» demalys úıiniń aýmaǵynda otbasy músheleriniń joǵalǵany týraly habarlama túsken.
«Oqıǵa ornyna Qaraqaraly aýdanynyń TJB qyzmetkerleri, memlekettik ulttyq tabıǵı parktiń ınspektory quramynda izdestirý toby shyqty. Joǵalǵandarmen uıaly telefon arqyly baılanys boldy. Saǵat 18:00 shamasynda adasqandar «Pashennoe» ózeniniń mańynan tabyldy. Otbasylyq jup medıtsınalyq kómekten bas tartty», - delingen habarlamada.
Qutqarýshylar ormanǵa bararda qarapaıym qaýipsizdik erejelerin saqtaýdy usynady. Naqtyraq aıtqanda, ormanǵa bararda jaqyndaryńyzǵa qaıda baratynyńyzdy eskertip, sańyraýqulaq jınaýda nemese jıdek tergende naqty ornyńyz ben aýmaǵyńyzdy belgilep, kelgen jolyńyzdy shamalaı júrińiz.
