Qarqaralyda bıýdjettiń 25 mln teńgesin qaltasyna basqan esepshi men kassır sottaldy

QARQARALY. QazAqparat – Qaraǵandy oblysynyń Sybaılas jemqorlyqqa qarsy is-qımyl qyzmeti «Qarqaraly veterınarlyq stantsııasy» MQK bas esepshisi A. Mananbaeva jáne «Qazaqstannyń Halyq banki» AQ Qarqaraly basqarmasynyń kassıri N. Syzdyqovaǵa qatysty sotqa deıingi tergep-tekserýdi aıaqtady, dep habarlaıdy QazAqparat vedomstvoǵa silteme jasap.

Mananbaeva men Syzdyqova 2015-2017 jyldar aralyǵynda ártúrli joldarmen bıýdjettiń 25 mln teńge qarajatyn jymqyrǵan.

11 qyrkúıek kúni Qaraǵandy oblysy Qarqaraly aýdandyq soty Mananbaevany - 6 jyl, Syzdyqovany - 5 jyl merzimge bas bostandyǵynan aıyrý jazasyna kesti. Jazany oryndaý merzimi 5 jylǵa shegerildi.
Budan bólek, olar memlekettik qyzmette laýazym ıelený quqyǵynan ómir boıyna aıyryldy.