Qarqaralyda ajal qushqan jandardy sý tasqyny qurbandary dep atady
QARAǴANDY. QazAqparat - Qaraǵandy oblysy Qarqaraly aýdanynda sýǵa ketip kóz jumǵan eki er adam men 13 jasar ul sý tasqyny qurbandary atandy, dep habarlaıdy «QazAqparat» HAA tilshisi.
Buǵan deıin TJ departamenti kóliktiń jyraǵa qulaýyn jáne úsh adamnyń erigen qar sýyna aǵyp ketýin jol-kólik oqıǵasy sanatyna jatqyzǵan edi.
«Bul jol-kólik oqıǵasy emes, sondyqtan «jolda júrý qaǵıdalaryn buzý» baby boıynsha qylmystyq is qozǵamadyq. Oǵan esh negiz joq», - dep habarlady Qarqaraly aýdanynyń prokýratýrasy.
Qarqaraly aýdanynyń ákimdigi sýǵa ketken 13 jasar Erasyl Darhanulyn, 19 jastaǵy Janbolat Májıtovti jáne 56 jastaǵy Bolat Ábildınovti jerleýdi uıymdastyrý jumystaryna barynsha kómek kórsetýde.
«Týystaryna tehnıka jáne ózge máseleler boıynsha kómek kórsetýdemiz. Onyń ústine bir otbasynda er adam men jasóspirim qaza boldy», - dedi aýdan ákimdigi.
Eske sala keteıik , 31 naýryz kúni keshki 20:00-de Qarqaraly aýdany Besoba aýylyna 13 shaqyrym jerde, «Qarashoqy-Besoba» jergilikti mańyzdaǵy tasjolynda «ÝAZ » kóligi erigen qar sýyna toly jyraǵa batyp ketti. Aldyn ala málimet boıynsha, júrgizýshi rýlge ıe bola almaı, jyraǵa qulaǵan.
«ÝAZ» avtomobıli jyraǵa túsip ketken. 7 oryndyq mashınanyń salonynda 9 adam bolǵandyǵy anyqtaldy. Úsheýi iz-túzsiz joǵalǵan. 7 oryndyq kólik salonynda 9 adam bolǵan. Alty adam apattan aman qaldy. Іz-túzsiz joǵalǵan úsh adamnyń máıiti tabyldy.
