Qarqaralyda 72 otbasy páter kiltine ıe boldy

QARQARALY. QazAqparat - Qarqaralyda Tuńǵysh Prezıdent kúni jáne el Táýelsizdiginiń 30 jyldyǵy qarsańynda 72 otbasyna jańa páterlerdiń kiltteri tabystaldy. Jańa qonys ıelerin qala ákimi Berik Toqmyrzın qýanyshty oqıǵamen quttyqtady, dep habarlaıdy QazAqparat.

Sharshy metr ıegerleriniń arasynda jetim balalar, erekshe bala tárbıelep otyrǵan ata-analar, kóp balaly jáne tolyq emes otbasylar bar. Olarǵa «Nurly jer» baǵdarlamasy boıynsha salynǵan Toqtar Áýbákirov kóshesindegi tórt jańa úıdiń kilti tabystaldy.

Bastaýysh synyp muǵalimi Kámshat Mustafına úsh bólmeli páter aldy. Ol kúıeýimen birge tórt bala tárbıelep otyr.

«Biz shamamen bes jyl kezekte turdyq. Osy jyldar ishinde biz úsh bólmeli úıde kúıeýimniń ata-anasymen birge turamyz. Árıne, tar boldy. Óz baspanamyzdy alý biz úshin óte qýanyshty oqıǵa. Bizge páter unady, biz kóshýge daıyndalyp jatyrmyz» - dedi Kámshat.

Qarqaralyda turǵyn úı kezeginde barlyǵy 448 adam tur. Onyń 35-i «kóp balaly otbasylar» sanaty boıynsha.