Qarqaraly jármeńkesinde paıdalanylǵan seıfter áli kúnge deıin saqtalǵan
Onyń úsheýi qalalyq murajaıda saqtalǵan. Al bireýin jergilikti qazynashylyq paıdalanýda. «Qoıandy jármeńkesinde Aq patshanyń jarlyǵymen Qarqaralyda qazynashylyq ǵımaraty salynǵan. Seıfter sonda turdy. Sol zamanda osynda óte iri qarajat saqtalǵan. 1858 jyly 5 mıllıon shamasynda som saqtalǵan. Arada 1,5 ǵasyr ótti, alaıda seıfter áli kúnge deıin jaramdy. Onyń birinde qujattar saqtaımyz», - deıdi Qarqaraly aýdandyq qazynashylyq bóliminiń basshysy Murat Toıynbekov.
Seıf qabyrǵamen birge qalanǵandyqtan ornynda qaldyrý jóninde sheshim qabyldanǵan. Al qalǵan úsh kóne jádiger Qarqaraly murajaıyna tapsyrylǵan. Onyń biri Máskeýde, qalǵan ekeý Peterbordaǵy Karla San-Gallı zaýytynda jasalǵan. Mamandardyń aıtýynsha, ári seıftiń jeke qupııa qaýipsizdik júıesi bar. Murajaı qyzmetkerleri kóne múlikterdi ınteraktıvti jádigerge aınaldyrǵan. Onda kelýshilerge seıfti óz betimen ashýǵa ruqsat etilgen, alaıda ony ashý úshin amalyn taýyp alý kerek.