Qarqaraly turǵyndary Túrkistan oblysynan qonys aýdarýshylarǵa eki úı syılady

QARQARALY. QazAqparat – Qarqaraly aýdanynyń Borlybulaq bólimshesiniń turǵyndary Túrkistan oblysynan kóship kelgen eki otbasyna úı syılady, dep habarlaıdy QazAqparat tilshisi.

Qyrǵyz aýyldyq okrýginiń Borlybulaq bólimshesinde 47 otbasy turady. Eldi meken turǵyndarynyń sany 225 adamdy quraıdy. Bólimshede jalpy orta bilim beretin mektep bar. Biraq jas otbasylar kóbinese óz aýyldaryn tastap, qalaǵa kóshedi. Mektep jasyndaǵy balalardyń jetispeýshiligi jergilikti mekteptiń orta mektepten bastaýysh mektepke aýysýyna qaýip tóndirýi múmkin. Bul máseleni sheshý úshin jergilikti atqarýshy organdar Túrkistan oblysyndaǵy otbasylardy óz aýyldaryna shaqyrdy. Jaqynda qonys aýdarýshylarǵa turǵyn úı bólindi.

«Úıler Borlybulaq aýylynyń turǵyndarymen qamtamasyz etildi. Olar osyǵan deıin bos boldy. Onda jóndeý jumystary júrgizilip, qonystanýshylar qonystandy. Bir otbasy bes bala, ekinshisi úsh bala tárbıelep otyr. Otaǵalary jumys isteıdi (mehanık jáne dánekerleýshi). Bolashaqta olar jylyjaı salyp, kókónis ósirýdi kózdep otyr. Al jergilikti turǵyndar olarǵa mal ósirýge kómekteskisi keledi. Bul úshin olar usaq maldy tegin berýge nıetti», – dedi Qyrǵyz aýyldyq okrýginiń ákimi Baýyrjan Qapashev.

Túrkistan oblysynan Borlybulaqqa kóship kelgen Muzafar Mahamadalıev bes bala tárbıelep otyr. Eń úlkeni 18 jasta. Tórteýi áli mektepte oqıdy.

«Kóshkenge deıin biz Túlkibas aýdanynda turdyq. Bizde úıimiz jáne jumysymyz boldy. Biraq onda halyq kóp, tıisinshe, mal da kóp. Al jaıylymdyq jerler jetispeıdi.Bizge Qaraǵandy oblysyna kóshýdi usynǵanda, oılanyp qaldyq. Biz osynda keldik, adamdarmen tanystyq. Barlyǵy unady, sodan kóshýge bel býdyq. Munda halyqtyń tyǵyzdyǵy Túrkistan oblysyndaǵydaı emes. Jer de jetkilikti. Jáne jumys boıynsha áleýet joǵary», – deıdi Muzafar Mahamadalıev.