Qarqaraly memlekettik tabıǵı parkinde bızon buzaýlady
ASTANA. QazAqparat - Qarqaraly memlekettik tabıǵı parkinde bızon buzaýlady, dep habarlaıdy QazAqparat tilshisi QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmetke silteme jasap.
«Búgin Qarqaraly memlekettik tabıǵı parkinde jartylaı erkindikte saqtalynyp kele jatqan bızon tóldedi. Bul tabıǵatta óte sırek kezdesetin jaǵdaıdyń biri» - dep jazdy ol óziniń Feısbýk paraqshasynda.
Aıta ketsek, bızon - Qarqaralynyń tarıhyn muz dáýirimen jalǵastyratyn kózi tiri janýar. Bızon - dene bitiminiń úlkendigi men fızıkalyq qýat kúshiniń moldyǵymen erekshelenetin, qýysmúıizdiler tuqymdasyna jatatyn jabaıy. Bızonnyń buqasy dúnıejúzindegi janýarlardyń ishindegi eń irisi bolyp sanalady.
