Qarqaraly qala mártebesinen aıyryla ma – óńir basshysynyń jaýaby
NUR-SULTAN. QazAqparat - Qaraǵandy oblysynda ornalasqan Qarqaraly qala mártebesinen aırylýy múmkin degen áńgimege qatysty atalǵan oblys ákimi túsinikteme berdi, dep habarlaıdy QazAqparat tilshisi.
«Qarqaralynyń qala mártebesine qatysty kóptegen suraqtar bizdiń ákimdikke de, Ulttyq ekonomıka mınıstrligine de kelip tústi. Búginde Qarqaralyda 9 myńdaı adam turady. Al jalpy normatıvke sáıkes qala mártebesi berilýi úshin, onda 12 myńnan astam adam turýy tıis. Biraq Qarqaralynyń orny erekshe, sondyqtan da biz bul másele boıynsha mınıstrlikpen de, Úkimetpen de oılastyq. Sonyń nátıjesinde Qarqaraly qala bolyp qalady», - dedi J. Qasymbek OKQ-de onlaın ótken baspasóz máslıhatynda tilshi suraǵyna jaýap bere otyryp.
Buǵan deıin habarlaǵanymyzdaı, óńir basshysy Jezqazǵan men Sátbaev turǵyndarynyń baspanalaryn keri qaıtaryp alýǵa qatysty túsinikteme berdi.
