Qarqaralydaǵy órt: eldi mekenge qaýip tóngen joq
ASTANA. KAZINFORM — Qaraǵandy oblysynyń Qarqaraly aýdanynda Jańatoǵan aýyly mańynda qurǵaq shóp janyp jatyr.
Órtti sóndirý jumystary qatty jeldiń ekpinine, sondaı-aq taýly jer bederine baılanysty qıyndap otyr. Bul jekelegen órt oshaqtaryna jetýdi qıyndatyp, órttiń odan ári taralý qaýpin týyndatyp otyr.
Qazirgi ýaqytta eldi mekendi qorǵaý jáne órttiń aýylǵa qaraı taralýyna jol bermeý maqsatynda TJM men jergilikti atqarýshy organdardyń kúshteri men quraldary jumyldyryldy.
Órtti oqshaýlaý jáne joıý boıynsha jumys júrgizilip jatyr, jaǵdaıǵa turaqty monıtorıng jasalyp otyr. Órt ornyna TJD-nyń qosymsha kúshteri men quraldary jiberildi.
Oblystyń Tótenshe jaǵdaılar departamentinde jumyldyrylǵan kúshter men quraldardyń is-qımylyn úılestiretin jedel shtab quryldy.
Qazirgi ýaqytta eldi mekenge órttiń taralýyna jol berilgen joq. Órtti sóndirý jumystary táýlik boıy jalǵasyp jatyr.
