Qarqaraly ulttyq tabıǵı parkiniń aýmaǵyndaǵy órt oqshaýlandy

ASTANA. KAZINFORM — Tilsiz jaý saǵat 17:05–te oqshaýlandy, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.

Órtti sóndirýge ETRM 33 adamy, 7 tehnıkasy, onyń ishinde 1 tikushaq «Qazavıormanqorǵaý» jáne 3 avıadesantty órt sóndirý stantsııasy, TJD 31 adamy, 7 tehnıkasy, JAO 25 adamy, 5 tehnıkasy  jumyldyryldy. Sondaı-aq qosymsha kúshter men quraldar jiberildi. Atap aıtqanda Qaraǵandy oblysy TJD 74 adamy, 11 tehnıkasy, Semeı, Óskemen jáne Qaraǵandy qalalarynan «Qazavıaqutqarý» AQ borty ushyp shyqty. Órt sóndirýge atsalysqan eki áýe kemesi 6 ret sý shashty.

— Qarqaraly qalasyndaǵy Qarqaraly MUTP órt sóndirý beketinde uıymdastyrylǵan shtabta úılestirý jumystary júzege asyrylyp jatyr. Qarqaraly MUTP dırektor orynbasary Almas Jumashev órtti sóndirý jumystaryn basqarady. Órtti sóndirý jumystary áli jalǵasyp jatyr. Órtti tolyqtaı joıý úshin barlyq qajetti shara qabyldanyp jatyr. Qosymsha aqparattar jaǵdaıdyń ózgerýine baılanysty berilip otyrady, — dedi komıtettiń baspasóz qyzmeti.

Buǵan deıin búgin Qaraǵandy oblysy Aınabulaq aýylynan 20 shaqyrym jerde ornalasqan Bahtın orman sharýashylyǵynyń aýmaǵy órtenip jatqany anyqtaldy.