Qarqaraly taýlarynda adasyp ketken týrıster qutqaryldy

ASTANA. KAZINFORM - Qaraǵandy oblysynyń Qarqaraly aýdanynda, Qarqaraly memlekettik ulttyq tabıǵı parkiniń aýmaǵynda, úsh týrısti izdestirý-qutqarý jumystary júrgizildi.

QR Tótenshe jaǵdaılar mınıstrligi baspasóz qyzmetiniń habarlaýynsha, olar búgin tańerten serýendeý úshin taýǵa kóterilip, adasyp ketken.

Taýly aýmaqty qaraý úshin qutqarýshylar ushqyshsyz ushý apparatyn qoldandy.

- TJM izdestirý toby týrısterdi Qarqaraly qalasynan 8 shaqyrym qashyqtyqtaǵy taýly jerde tapty. Olarǵa medıtsınalyq kómek qajet bolmady, - delingen habarlamada.

Osyǵan deıin almatylyq qutqarýshylardyń taýda aıaǵyn jaraqattap alǵan áıeldi evakýatsııalaǵany týraly jazdyq.