Qarqaraly memlekettik ulttyq tabıǵı parkiniń aýmaǵyndaǵy órt tolyqtaı sóndirildi

ASTANA. KAZINFORM – Orman sharýashylyǵy jáne janýarlar dúnıesi komıteti Qarqaraly memlekettik ulttyq tabıǵı parkiniń aýmaǵyndaǵy órt tolyqtaı sóndirilgenin málimdedi.

28 sáýir kúni saǵat 11:50 jaǵdaıyna sáıkes órt tolyq sóndirildi.

Órtti sóndirýge jumyldyrylǵan kúshter men quraldar:

• ETRM — 33 adam, 7 tehnıka birligi (onyń ishinde 1 tikushaq Qazavıormanqorǵaý jáne 3 avıadesantty órt sóndirý stantsııasy);
• TJD — 31 adam, 7 tehnıka birligi;
• JAO — 25 adam, 5 tehnıka birligi.

Qosymsha kúshter men quraldar jiberildi:

• Qaraǵandy oblysynyń TJD — 74 adam, 11 tehnıka birligi;
• Semeı, Óskemen jáne Qaraǵandy qalalarynan AO «Qazavıaspas» borty ushyp shyqty;
• Eki áýe kemesi 6 ret sý shashty.

Bul is-sharalar Qarqaraly qalasyndaǵy MUTP órt sóndirý beketi uıymdastyrǵan shtabpen júzege asyryldy.

- Órttiń taralýyn boldyrmaýǵa baǵyttalǵan barlyq jumystar aıaqtaldy. Órttiń sebebi men aýmaǵy qyzmettik tekserý nátıjeleri boıynsha 10 kún ishinde anyqtalady, - delingen komıtet dereginde.

Aıta keteıik, buǵan deıin Qarqaraly ulttyq tabıǵı parkiniń aýmaǵynan órt shyqqanyn jazǵanbyz.

Qarqaraly ulttyq tabıǵı parkiniń aýmaǵyndaǵy órt oqshaýlandy.