Qaryzyn tólemegenderdiń jasyryn tabysy inDrive jáne Yandex arqyly anyqtalýy múmkin

ASTANA. KAZINFORM — Ádilet mınıstri Erlan Sársembaev tabysyn qasaqana jasyrǵandardy anyqtaý qalaı iske asyrylatynyn túsindirdi.

Onyń aıtýynsha, mınıstrliktiń júıesin agregator-saıttarǵa, sonyń arasynda inDrive-ge, Yandex -ke jáne basqa da platformalarǵa qosý josparlanyp otyr.

— Qazirgi kezde agregatorlarmen tıisti kelissózdi bastadyq. Yandex Taxi nemese basqa da ınternet agregatorlarmen kelisim bolýy yqtımal. Bul turǵyda tek boryshkerlerge qatysty aqparat almasý bolady, ıaǵnı alıment nemese basqa da tólemderdi tólemeı, tabysyn jasyryp júrgender qamtylady. Osy oraıda sot sheshimderin oryndaý máselesi eskerilgen. Olardy tek júıeniń ıntgratsııasy arqyly izdep, tıisti shara qoldanýdy qarastyryp otyrmyz, — dedi Erlan Sársembaev Parlament Májilisindegi Úkimet saǵatynan keıin tilshiler suraǵyna jaýap bere otyryp.

Eske salsaq, buǵan deıin boryshkerlerdiń ózge de kiris kózderin anyqtaýǵa agregator-saıttar kómektesetini aıtylǵan edi.