Káriz júıesine temeki tuqylyn tastap, jarylysqa sebepker boldy
ASTANA. QazAqparat - Kósheden ótip bara jatqan azamattyń aıaqjoldaǵy káriz júıesiniń tesigine tastaǵan temeki tuqyly jarylysqa sebep boldy, dep jazady Daily Mail.
Tegeranda (Iran) bolǵan keleńsiz oqıǵa kóshege ornatylǵan vıdeokameraǵa túsip qalǵan. Jarylys kinálini ushyryp jibergen. Kadrda onyń eńbektegen kúıi jarylys bolǵan jerden ketýge árekettengeni kórinip tur.
Bul rolıkti aldymen Twitter paıdalanýshysy óz akkaýntynda jarııalaǵan. Sondaı-aq ol temeki men onyń tuqylyn káriz qudyǵyna tastaý óte qaýipti ekendigin de qosa jazǵan.
