Káriz sýy Ertiske quıylǵan: ShQO ekologteri ózen sýynan synama aldy

ÓSKEMEN. QazAqparat – Óskemen qalasynda káriz sýynyń Ertiske quıylýyna baılanysty ekologııalyq tekserý júrgizilýde, dep habarlaıdy QazAqparat tilshisi.

Taıaýda áleýmettik jelide Óskemendegi panton kópiriniń astyndaǵy káriz kollektorynda apat shyqqany jaıly vıdeo taraǵan edi.

ShQO Ekologııa departamenti baspasóz qyzmetiniń málimetine súıensek, aqparat túse salysymen ekologter sol jerge barǵan.

«Departament qyzmetkerleri ózen sýynan synama aldy. Qazirgi ýaqytta tıisti zertteýler júrgizilip jatyr. Nátıjesi keıin habarlanady», - delingen aqparatta.

Bul káriz kollektory «Óskemen sý arnasy» KMK balansynda. Qazirgi ýaqytta aqaý shyqqan bólik jóndelgen.

Eske salsaq, osyǵan deıin Óskemendegi «Riviera Residence» turǵyn úı keshenindegi káriz jelisiniń jumys istemeýi saldarynan jerge aqqan káriz sýynyń sol mańdaǵy baý-baqsha qoǵamdastyǵynyń aýmaǵy arqyly ótip, Ertis ózenine quıylǵanyn habarlaǵan edik.