Káriz shuńqyryna qulap ketken sábı kóz jumdy - Almaty oblysy
TALDYQORǴAN. QazAqparat - Almaty oblysynda bir jastaǵy bala káriz shuńqyryna qulap ketip, mert boldy. Qaıǵyly jaǵdaı Kegen aýylynda bolǵan, dep habarlaıdy QazAqparat tilshisi.
Almaty oblystyq Tótenshe jaǵdaılar departamenti bolǵan oqıǵaǵa baılanysty pikir bildirdi. Bala oınap júrip, abaısyzda káriz shuńqyryna qulap ketken.
«Oqıǵa 21 mamyr kúni bolǵan. 2020 jylǵy bala jeke úıdiń aýlasyndaǵy monshanyń káriz shuńqyryna túsip, mert boldy. Ata-analardan balalardy qaraýsyz qaldyrmaýdy suraımyz»,- dep málimdedi atalǵan vedomstvo qyzmetinen.
Aıta keteıik, osyǵan uqsas qaıǵyly jaǵdaı ótken aıda Qyzylorda qalasynda boldy.Eki kún buryn joǵalyp ketken alty jasar balanyń máıiti 29 sáýir kúni jeke úıdiń káriz qudyǵynan tabyldy. Kishkentaı Áltaıyr Bahyt qudyqqa oınap júrip túsip ketýi múmkin. Óıtkeni balanyń denesinen zorlyq-zombylyq belgileri baıqalmaıdy deıdi polıtseıler. Qazir máıit sot medıtsınalyq saraptamasyna jiberildi. Alty jasar Áltaıyr osydan eki kún buryn úıinen oınaýǵa shyǵyp ketken edi.
