Káristerdiń taǵamy ǵaryshkerler úshin paıdaly dep tanyldy
ASTANA. Aqpannyń 4-i. QazAqparat - Ońtústik Koreıanyń bilim, ǵylym jáne tehnologııalar mınıstrligi Reseı ǵylym akademııasy Medıtsınalyq-bıologııalyq problemalar ınstıtýtynyń birneshe káris taǵamdaryn ǵaryshkerler taǵamy retinde maquldaǵanyn málimdedi,
dep habarlaıdy QazAqparat AFP saıtyna silteme jasap.
Instıtýt káris taǵamdarynyń úsh túrin jáne bir sýsyndy maquldaǵan. Olar - pıbımpap (kókónister qosylǵan kúrish), pýlkogı (qýyrylǵan et), teńiz ósimidikterinen ázirlengen sorpa, sondaı-aq tut aǵashy jemisiniń shyryny. Taǵamdardy testileý olardyń as qorytýdy jeńildetetinin, sondaı-aq ishekte adam úshin paıdaly mıkroorganızmderdiń ósýine qolaıly jaǵdaı týyndatatynyn kórsetti. Osylaısha, Ońtústik Koreıa azyq-túlikteri Halyqaralyq ǵarysh stansysyna jetkiziletin AQSh pen Reseıden keıingi úshinshi el bolýy múmkin.
