Kárister ıt etin jeýdi kúrt azaıtty
ASTANA. QazAqparat - Ońtústik Koreıa turǵyndary ıttiń etin jeýden bas tarta bastady. Budan tys, bılik jýyrda ıtterdi qorǵaıtyn zań qabyldamaq, dep habarlaıdy QazAqparat CNN-ge silteme jasap.
Ondaǵan jyldar boıy Ońtústik Koreıa ıttiń etinen tamaq ázirleý saltyna baılanysty synǵa ushyrap keldi. Janýarlardyń quqyqtaryn qorǵaý jónindegi halyqaralyq toptar ıtterdi shetelge, AQSh-qa, Ulybrıtanııaǵa, Kanadaǵa jiberý arqyly olardyń janyn saqtap qalyp júrdi. Humane Society International (HSI) uıymynyń derekterine sensek, 2015 jyldan beri eldegi 13 fermadan 1600 ıt qutqarylǵan.
Sońǵy jyldary Ońtústik Koreıada ıttiń etin jeıtinder sany azaıa bastaǵan.
2005-2014 jyldar aralyǵynda Seýlde ıttiń etinen tamaq ázirleıtin meıramhanalardyń sany 40% qysqarǵan. Onyń basty sebebi - suranystyń azaıýy.
Qarasha aıynda Seýldiń janynda ornalasqan Sonnam qalasyndaǵy eń iri qasaphana jabyldy. Onda jyl saıyn myńdaǵan ıt baýyzdalatyn.
