Káris ǵalymdary Aqmola oblysyndaǵy kóne eskertkishterdi zerttemek

KÓKShETAÝ. QazAqparat - Aqmola oblysyna Koreıanyń «Órkenıet almasý» ýnıversıtetiniń professorlary keldi. Bul týraly QazAqparat tilshisine Aqmola oblysynyń tarıhı-ólketaný murajaıynyń dırektory Qýanysh Shaqshaqov aıtty, dep habarlaıdy QazAqparat tilshisi.

Murajaı dırektorynyń aıtýynsha, sheteldik ǵalymdardy erte temir dáýiri kezeńindegi Eýrazııa aýmaǵyndaǵy taıpalardyń qonystanýy qyzyqtyryp otyr.

"Qonaqtar Aqmola oblystyq tarıhı-ólketaný murjaıyndaǵy tarıhı jádigerlermen tanysty. Budan keıin oblys aýmaǵyndaǵy ǵun-sarmat dáýirindegi tarıhı eskertkishter ornalasqan jerlerdi baryp kórdi. Osy rette, koreılik ǵalymdarmen birlesip, erte temir dáýiri kezeńindegi eskertkishterdi zertteý týraly memorandým jasaıtyn bolamyz", - dedi Qýanysh Shaqshaqov.

Aıta keteıik, keler jyldan bastap QR Ulttyq murajaıy janyndaǵy «Halyq qazynasy ǵylymı zertteý ınstıtýty» mamandarymen birlesken zertteý jumystary júrgiziledi. Oǵan Aqmola oblysynyń Bulandy, Zerendi jáne Birjan sal aýdanyndaǵy erte temir dáýiri kezeńindegi eskertkishter qamtylatyny josparlanǵan. Bul jerlerdegi qorymdardyń bıiktigi 2-3 25-30 metrdi qurasa, bir eskertkishti zertteýge eki-úshi jyl ýaqyt ketedi eken.

Foto: liter.kz