Qaryndasynyń tynyshtyǵyn buzǵan atyraýlyq azamat 10 táýlikke qamaldy

ATYRAÝ. KAZINFORM – Atyraýda er adam qaryndasynyń úıine kelip, tynyshtyǵyn buzǵany úshin 10 táýlikke qamaýǵa alyndy. 

Atyraý qalalyq ákimshilik quqyq buzýshylyqtar jónindegi mamandandyrylǵan sotynyń málimetinshe, er adam qorǵaý nusqamasyn buzǵany úshin kináli dep tanylǵan.

«Er adamǵa qatysty is QR Ákimshilik quqyq buzýshylyqtar týraly kodeksiniń 461-babynyń 1-bóligimen qaraldy. 2024 jyldyń qyrkúıek aıynda A.E.-niń qaryndasynyń páterine kelip, ony mazalap ári tynyshtyǵyn buzǵany anyqtaldy. Osylaısha, ishki ister organy shyǵarǵan qorǵaý nusqamasyn buzǵan. Onyń ákimshilik quqyq buzýshylyq áreketi ákimshilik quqyq buzýshylyq týraly hattamamen, qorǵaý nusqamasymen jáne saýalnama hattamasymen dáleldendi. Sot qaýlysymen A.E. atalǵan bap boıynsha kináli dep tanyldy», - dep habarlady atalǵan sottan. 

Qorǵaý nusqamasyn buzǵan er adam 10 táýlik merzimge ákimshilik qamaýǵa alyndy. 

Sot qaýlysy zańdy kúshine engen joq.

Eske sala ketelik, Atyraýda tutynýshynyń aqshasyn qumar oıynǵa jumsaǵan áıel sottalǵanyn habarlaǵan edik. Sondaı-aq Atasynan qalǵan qarýdy tirketpegen atyraýlyqqa 73,8 myń teńge aıyppul salyndy.