Karına Qozǵanbaeva álem chempıonatynan qola enshiledi
ASTANA. QazAqparat - Aýyr atletıkadan Taılandtaǵy jastar arasyndaǵy álem chempıonatynda kezekti medal qorjynǵa tústi.
69 keli salmaqta qyzdar arasyndaǵy básekede Karına Qozǵanbaeva qola júldeger atandy. Otandasymyz ózine berilgen múmkindiktiń bireýin sátsiz paıdalanyp, beseýin sátti oryndady.
Qos saıys qorytyndysy boıynsha ekvadorlyq sportshy 220 keli, kolýmbııalyq atlet 209 keli, al Karına 207 kelini baǵyndyrdy.
Ázirge Qazaqstan quramasynyń enshisinde 1 altyn, 1 kúmis jáne 2 qola medal bar, dep habarlaıdy dodasport.kz .
