Karına Ibragımovanyń jekpe-jegi tikeleı efırde Kókshetaýdyń ortalyq alańynda kórsetiledi
KÓKShETAÝ. KAZINFORM – Búgin 2 tamyzda Kókshetaý qalasynda Parıj Olımpıadasyna qatysatyn aqmolalyq sportshylardy qoldaýǵa OPEN AIR is-sharasy ótedi.
Táýelsizdik alańynda ótetin is-shara ulttyq qurama sapynda Parıj Olımpıadasyna qatysyp otyrǵan aqmolalyq sportshylar boksshy Karına Ibragımova men veloshabandoz Andreı Chýgaıdy qoldaýǵa arnalǵan.
«Bul is-shara sport jankúıerleriniń basyn biriktirip qana qoımaıdy, otandastyrymyzdyń jetistikteri ultymyzdyń maqtanyshyna aınalady», - deıdi uıymdastyrýshylar.
Sonymen birge, OPEN AIR baǵdarlamasy aıasynda jarqyn shoýlar men jastardyń bıi josparlanǵan. Keshtiń eń tartymy tusy, ol «Kókshetaý» mádenıet úıiniń syrtyndaǵy úlken ekrannan Karına Ibragımovanyń jekpe-jeginiń tikeleı kórsetilimi bolatyny sózsiz.
Aıta ketsek, Frantsııanyń astanasy – Parıj qalasynda ótip jatqan jazǵy Olımpıada oıyndarynda Aqmola oblysynan boksshy Karına Ibragımova men veloshabandoz Andreı Chýgaı el namysyn qorǵap jatyr. Búgin, 2 tamyzda Astana ýaqyty boıynsha túngi saǵat 23:32 shamasynda 57 kelige deıingi salmaq dárejesinde 1/8 fınalda otandasymyz Karına Ibragımova Pýerto-Rıko eliniń úmiti Elıon Losada Mottamen qolǵap túıistiredi.
Eske salaıyq, Ádilbek Mýsın Parıj Olımpıadasynyń jartylaı fınalyna óte almaǵanyn jazǵan edik.
