Karına Ibragımova Parıj Olımpıadasynda transgender sportshylarmen judyryqtasýy múmkin
ASTANA. KAZINFORM — Halyqaralyq Olımpıada komıteti (HOK) áıelder boksy boıynsha 57 kelige deıingi salmaqta óner kórsetetin eki transgender sportshyǵa 2024 jylǵy Parıj Olımpıadasyna qatysýǵa ruqsat berdi.
Bul salmaqta qazaqstandyq sportshy Karına Ibragımova sharshy alańǵa shyǵady. Brıtandyq theguardian.com jýrnalısteri qytaılyq Taıbeı ókili Lın ıÝı-tın genderlik sáıkessizdik pen testosteron deńgeıiniń joǵary bolýyna baılanysty 2023 jylǵy áıelder arasyndaǵy álem chempıonatynan shettetildi dep habarlady.
Ol kezde Halyqaralyq boks qaýymdastyǵy (IBA) mundaı sebeppen sportshyny jarysqa jibermeýdi jón dep sanaǵan. Alaıda Parıjdegi Olımpıada oıyndaryn IBA emes, HOK uıymdastyrady. HOK-ta bul másele «jan-jaqty qaralǵannan» keıin olar transgenderlerdiń jarysqa qatysýyn ádilettiliktiń kórinisi dep sheshti.
Taıbeı boksshysynan basqa aljırlik transgender – Imen Helıf Olımpıadada óner kórsetpek. Sondyqtan sportshymyz Karına Ibragımova osy boksshylarmen kezdesýi múmkin.
