Karına Ibragımova Ispanııadaǵy halyqaralyq týrnırde jeńilis tapty

ASTANA. KAZINFORM – Ispanııanyń La-Nýsııa qalasynda Boxam Elite-2024 halyqaralyq týrnıri bastaldy. Baıraqty dodada Qazaqstan áıelder komandasynyń múshesi 57 kelidegi Karına Ibragımova jergilikti boksshydan jeńilip, jarysty erte aıaqtady. Bul týraly Olympic.kz jazdy. 

Týrnırdi Áıgerim Satybaeva (48 keli), Jazıra Oraqbaeva (52 keli), Mádına Nurshaeva (70 keli) jáne Gúlsaıa Erjan (75 keli) jartylaı fınaldan bastaıdy. Demek, bul boksshylar jarysty bastamaı jatyp, qola medalǵa qol jetkizip turǵany anyq. 

Al, Aıda Ábikeeva (63 keli), Farıza Sholtaı (81 keli) jáne Lázzat Kúngeıbaeva (+81 keli) jekpe-jekti birden fınaldan bastaıdy. Bul boksshylarymyzdyń enshisinde jeńilgen jaǵdaıda qazirdiń ózinde týrnırdiń kúmis júldesi tur.