Karına Ibragımova bokstan álem chempıonatynyń qola júldegeri atandy
QR Boks federatsııasynyń baspasóz qyzmeti málim etkendeı, jerlesimiz búgin fınalǵa joldama alý úshin Irland Respýblıkasynan kelgen Kellı Harrıngtonmen jekpe-jek ótkizip, ókinishke oraı, qarsylasynan aılasyn asyra almady. Nátıjesinde ol qazaqstan qorjynyna atalǵan álem chempıonatynyń alǵashqy júldesin syılady.
Osyǵan deıin Karına Ibragımova shırek fınalda 2016 jyldyń Álem chempıony Venlıý ıAngty 5:0 esebimen jeńgen bolatyn. Karına Ibragımova Aqmola oblysynyń sportshysy. 2015 jylǵy el birinshiliginiń kúmis júldegeri.
Al erteń, ıaǵnı, 23 qarasha kúni Jaına Shekerbekova (51 kg) Tsýkımı Namıkıge (Japonııa) qarsy óner kórsetedi (1 jup). Bul jekpe-jketi de «BFI Official» arnasynan tamashalaısyz.Jaına Shekerbekova 2010 jylǵy Azııa chempıony, 2013-2014 jyldary qatarynan QR chempıonattarynyń jeńimpazy ataǵan, 2016 jylǵy Álem birinshiliginde qola júldege qol jetkizgen, birneshe márte halyqaralyq dárejedegi týrnırlerde altynan alqa taǵynǵan óte tájirıbeli sportshy. Halyqaralyq dárejedegi sport sheberi.