Qarın: Sırııa men Iraktan ortaazııalyq sodyrlardyń oralý qaýpi kúsheıe túsedi

ASTANA. QazAqparat - Sırııa men Iraktan ortaazııalyq sodyrlardyń oralý qaýpi kúsheıe túsedi. Bul týraly Qazaqstannyń strategııalyq zertteýler ınstıtýtynyń dırektory Erlan Qarın málim etti, dep habarlaıdy QazAqparat.

«Ókinishke oraı, bizdim paıymyzsha, 2017 jyly Ortalyq Azııa elderi úshin qazirgi Taıaý Shyǵystaǵy janjaldar turǵysynan alyp qaraǵanda lańkestik táýekel saqtalatyn bolady. Buǵan qosa, óńirde radıkalızmniń órshý qaýpi de basym bolyp tur. Osylardy eskere kele biz óńirde radıkalızm alǵysharty saqtalady dep esepteımiz. Sonymen qatar Sırııa men Iraktaǵy qazirgi ahýaldyń ózgerýine baılanysty ortaazııalyq sodyrlardyń oralý qaýpi de ózektene túsedi», - dedi Qarın. 

Onyń paıymynsha, atalǵan jaıttarǵa baılanysty Taıaý Shyǵystaǵy jaǵdaıdy sheshýge tartylǵan negizgi oıynshylar arasyndaǵy qarym-qatynastardyń shıelenisýi men Aýǵanstandaǵy ishki saıası jaǵdaıdyń nasharlaýy aımaq qaýipsizdigine keri áserin tıgizedi.