Qarın men Hý Hepın ekijaqty gýmanıtarlyq yntymaqtastyqty damytý máselesin qarastyrdy
ASTANA. KAZINFORM — Memlekettik keńesshi Erlan Qarın QKP Ortalyq komıteti Úgit-nasıhat bólimi meńgerýshisiniń orynbasarymen kezdesti, dep habarlaıdy Aqordanyń baspasóz qyzmeti.
Erlan Qarın Qytaı Kommýnıstik partııasynyń Ortalyq komıteti Úgit-nasıhat bólimi meńgerýshisiniń orynbasary Hý Hepınmen kezdesti. Bul júzdesý mádenı-gýmanıtarlyq jáne aqparattyq saladaǵy ekijaqty yntymaqtastyqty damytý aıasynda ótti.
Memlekettik keńesshi Qazaqstan men Qytaı arasyndaǵy buqaralyq aqparat quraldary, ǵylym jáne mádenıet salalaryndaǵy ózara is-qımyldyń negizgi baǵyttaryn atap ótti. Sondaı-aq eki eldiń saraptamalyq ortalyqtary men jetekshi medıa qurylymdary arasyndaǵy tájirıbe almasý máselesine erekshe nazar aýdardy.
Hý Hepın qonaqjaılyq kórsetkeni úshin Qazaqstan tarapyna rızashylyǵyn bildirip, Qytaı men Ortalyq Azııa elderiniń BAQ salasyndaǵy yntymaqtastyǵy forýmynyń joǵary deńgeıde uıymdastyrylǵanyn aıtty.
Taraptar gýmanıtarlyq dıalogty nyǵaıtý ózara túsinistik pen yntymaqtastyq rýhyndaǵy baılanystardy odan ári bekemdeýge yqpal etetinine senim bildirdi.
Osyǵan deıin memlekettik keńesshi Azamattyq máseleleri jónindegi komıssııanyń kezekti otyrysyn ótkizgenin jazdyq.