Qarın: Quryltaı saılaýy 2026 jylǵy 23 tamyzda ótedi
ASTANA. KAZINFORM — Memleket basshysy «Qazaqstan Respýblıkasy Quryltaıynyń saılaýyn taǵaıyndaý týraly» Jarlyqqa qol qoıdy.
— Qazir ǵana Memleket basshysynyń tıisti Jarlyǵy jarııalandy. Jurtshylyq saıası oqıǵalar týraly aldyn ala habardar etildi. Osydan burynǵy saılaý men referendýmda da solaı bolǵan edi. Bıyl sáýir aıynda Prezıdent Qasym-Jomart Toqaev Quryltaı saılaýy tamyzda ótetinin jarııa túrde ashyq málimdedi. Osylaısha, saıası partııalarda saılaý naýqanyna daıyndalý úshin ýaqyt jetkilikti boldy. Bul – jańa Konstıtýtsııa kúshine engen soń ótkiziletin alǵashqy jalpyhalyqtyq saılaý, — dep habarlady Prezıdentiniń Ákimshiligi Basshysynyń birinshi orynbasary Erlan Qarın.
Onyń aıtýynsha, aldaǵy naýqan búkil saıası úlgini ınstıtýtsıonaldyq turǵydan qaıta qalyptastyrýǵa jol ashady. Jańa Ata zańǵa sáıkes, saılaýdan soń memlekettik bıliktiń negizgi ınstıtýttaryn jasaqtaý jumysy bastalady.
Buǵan deıin Erlan Qarın Qazaqstanda quqyqtyq júıeni jańǵyrtý kezeńi bastalǵanyn málimdedi.
