Qarın Qazaq televızııasynyń 60 jyldyǵyna oraı ulttyq arnanyń josparymen bólisti
ASTANA. QazAqparat - «Qazaqstan» RTRK» AQ Basqarma tóraǵasy Erlan Qarın Qazaq televızııasynyń 60 jyldyǵyna oraı «Qazaqstan» ulttyq arnasy kórermenge qandaı qyzyqty jobalardy daıyndap otyrǵanyn aıtty, dep habarlaıdy «QazAqparat» HAA tilshisi.
«Bıylǵy eń úlken aıtýly datalardyń biri - Qazaq televızııasynyń 60 jyldyǵy. Biz qazir osyǵan belsene daıarlanýdamyz. Qazaq televızııasynyń 60 jyldyǵy bıyl naýryzdyń 16-da atalyp ótedi. Úlken saltanatty jıyn men birqatar sharalar uıymdastyrylady. Biz bul jumysty birneshe aı buryn bastap ketken edik. Aqpan aıynda Almatydaǵy ál-Farabı atyndaǵy Qazaq ulttyq ýnıversıtetinde úlken konferentsııa ótip, ózimizdiń aýdıtorııamyzdy ashtyq. Bolashaqta osyndaı aýdıtorııany L.Gýmılev atyndaǵy EUÝ-da ashýdy josparlap otyrmyz», - dedi Erlan Qarın Qazmedıada ótken baspasóz máslıhatynda.
Sonymen qatar, ol jeksenbi saıyn Altyn qorda saqtaýly, kezinde jurttyń kóńilinen shyqqan baǵdarlamalardyń kórsetilip jatqanyn atap ótti.
«Aqseleý Seıdimbektiń, Sultan Orazalınniń, Saǵat Əshimbaev qatysqan baǵdarlamalar efırden berildi. Budan keıin de tanymal tulǵalar jaıly baǵdarlamalar kórsetiletin bolady. Sondaı-aq, alpys jyldyqtyń aıasynda 12-16 naýryz aralyǵynda bizdiń efırde qazir kópshilikke tanymal baǵdarlamalardy júrgizýge bizdiń ardager jýrnalısterimiz shyǵatyn bolady. ıAǵnı, jańalyqtardy, basqa da baǵdarlamalardy júrgizýge kezinde ulttyq arnada qyzmet etken, Qazaq televızııasynyń damýyna úlesin qosqan ardager jýrnalıster shyǵady. Osylaısha, televızııa salasynyń damýyna úles qosqan tulǵalardy tartý arqyly urpaqtar sabaqtastyǵyn jalǵaǵymyz keledi», - dedi Erlan Qarın.
«Qazaqstan» RTRK» AQ Basqarma tóraǵasy buǵan qosa arnaıy televızııalyq jobalar men jańa premeralardyń bastalýy naýryz merekesine arnaıy josparlanyp otyrǵanyn atap óttip.
«Úlken jobalarmen, qyzyqty baǵdarlamalarmen naýryz merekesinde qaýyshatyn bolasyzdar», - dep túıdi Erlan Qarın.
