Qarın esirtki tasymaldaýshy jastardyń jazasyn jeńildetýge qatysty pikir bildirdi
ASTANA. KAZINFORM – Memleket basshysy «Qazaqstan Respýblıkasynyń keıbir zańnamalyq aktilerine esirtki, psıhotroptyq zattardyń, sol tektesterdiń, prekýrsorlardyń jáne kúshti áser etetin zattardyń zańsyz aınalymyna qarsy is-qımyl máseleleri boıynsha ózgerister men tolyqtyrýlar engizý týraly» Zańǵa qol qoıdy.
Osy oraıda Memlekettik keńesshi Telegram-daǵy jazbasynda Atyraýda ótken Ulttyq quryltaıdyń úshinshi otyrysynda Prezıdent qoldaý kórsetken bastamalardyń biri tanymal quqyq qorǵaýshy Aıman Omarovanyń esirtkini jasyryn ornalastyrýshylarǵa jazany saralaý týraly bolǵanyn atap ótedi.
- Jańa túzetýlermen teńgerimdi jáne ádil ádisti qamtamasyz etý úshin mundaı qylmysty alǵash ret jasaǵan ári aýyrlatatyn mán-jaılar bolmasa esirtkini jasyryn ornalastyrýshylarǵa jaza azdap jeńildetiledi. Sonymen qatar esirtkilerdi daıyndaý, óńdeý jáne óndirgeni úshin qylmystyq jaýapkershilikti ómir boıyna deıingi bas bostandyǵyn aıyrýǵa deıingi qatańdatatyn norma engizildi. Sondaı-aq sıntetıkalyq esirtki komponentteriniń zańsyz aınalymy úshin qylmystyq jaýapkershilik engizilip otyr, - dedi Erlan Qarın.
Munan bólek, Memlekettik keńesshi Ulttyq quryltaı bastamalaryn júzege asyrý aıasynda qazirgi ýaqytta 9 zańnyń qabyldanǵanyn eske salady.
Olar:
1. Áıelderdiń quqyqtary men balalardyń qaýipsizdigi máseleleri jónindegi zań.
2. Oıyn bıznesi jáne qumaroıynǵa táýeldilikpen kúres máseleleri jónindegi zańnamalyq túzetýler.
3. Tutynýdyń elektrondy júıelerin (veıpter )ákelýge, óndirýge, satýǵa jáne taratýǵa zańmen tyıym salý.
4. Vandalızm úshin jazany zańmen qatańdatý jáne tabıǵı, mádenı jáne tarıhı nysandardy qorǵaýdy arttyrý.
5. Onomastıka jáne geraldıka salasyndaǵy protsedýralardy reglamentteý jáne jumystardy ortalyqtandyrýdy zańnamalyq turǵyda jeldirý.
6. Dańqty jaýynger-barylardyń atyn “Aıbyn” ordeniniń tdáredelerine berý.
7. Rámizderdiń biryńǵaı standarty jónindegi túzetýler.
8. Memlekettik nagradalar júıesine jańa qurmetti ataqtardy engizý jónindegi túzetýler.