Qarın: Dinı ekstremızmmen kúres tek din ókiliniń ýaǵyzymen shektelmeıdi

ASTANA. QazAqparat - «Qazaqstan» RTRK» AQ-nyń basqarma tóraǵasy Erlan Qarınniń aıtýynsha, dinı ekstre-mızmmen kúres tek din ókiliniń ýaǵyzymen shektelmeıdi. Bul týraly ol «Egemen Qazaqstan» basylymynyń tilshisine Elbasynyń «Bolashaqqa baǵdar: rýhanı jańǵyrý» atty maqalasyna qatysty bergen suhbatynda aıtty, dep habarlaıdy QazAqparat.

«Biz dinı ekstremızmmen kúres degende basylymǵa nemese arnaǵa belgili bir din ókilin shaqyryp, din jóninde túsinikteme berýi kerek dep oılaımyz. Dinı ýaǵyzdy kúsheıtý dinı baǵyttaǵy jumysty kúsheıtý degendi bildirmeıdi. Elbasy maqalasynyń negizgi oıy - ulttyq sıpat pen ulttyq sana. ıAǵnı, adam ózin ulttyń ókili, rýhanı muranyń jalǵastyrýshysy sezinbese, ol túrli ıdeologııanyń jeteginde ketedi. Barlyǵymyzdyń aldymyzda turǵan syn - osy»,-dedi basqarma tóraǵasy.

Onyń pikirinshe, jahandaný kezinde ártúrli ıdeologııa yqpalynyń kúsheıgeni sonshalyq, qoǵam múshelerin jan-jaqqa jeteleıdi. Bireýdi ıslam halıfaty ıdeologııasyna, bireýdi basqa ıdeologııaǵa tartady.

«Bul biz úshin erekshe qaterli. Óıtkeni, keshe ǵana otarlyq kepten bosadyq. Sondyqtan Elbasy aıtyp otyrǵan ulttyq kodymyz qandaı, ulttyq sıpatymyz neden quralady, osyny anyqtap alaıyq. Latyn álipbıine kóshý, týǵan jer, kıeli oryndar-qazaqylyǵymyzdy arttyrýdyń bir sharasy. Ony jeke jobalar dep te qaraýǵa bolmaıdy, óıtkeni, naýqanshylyqqa áýestenip ketýimiz múmkin. Talqylanyp jatqan jobalar jıyntyǵynyń túpki máni ulttyq sıpatymyzdy arttyrýda jatyr. ıAǵnı dinı ekstremızmmen kúres tek din ókiliniń ýaǵyzymen shektelmeıdi. Bul sonymen birge, jańa baǵdarlamalar arqyly ulttyq án men kúıdi, termeni sapaly túrde sanaǵa sińirý, boıymyzdaǵy qazaqylyqty oıatý, ulttyq óner týyndylaryna jańa deńgeıde nazar aýdarý, dástúr men qundylyqtardy nasıhattaý, taratý jáne basqa da jumystar. Negizgi maqsat - ulttyq sıpatymyzdy arttyrý, ulttyq sanany jańǵyrtý»,-dedi Erlan Qarın.