Qarın basqaratyn ınstıtýt ozyq analıtıkalyq ortalyqtardyń qataryna qosyldy
ASTANA. QazAqparat - QR Prezıdenti janyndaǵy Qazaqstannyń strategııalyq zertteýler ınstıtýty álemdegi 6 myńnan asa analıtıkalyq ınstıtýt men ortalyqtardyń arasynda Top-150 ortalyqtyń qataryna qosyldy, dep habarlaıdy QazAqparat.
Bul týraly Qazaqstan strategııalyq zertteýler ınstıtýtynyń dırektory Erlan Qarın Feısbýk áleýmettik jelisinde jazdy .
«Qazaqstannyń strategııalyq zertteýler ınstıtýty álemdegi eń úzdik analıtıkalyq ortalyqtardyń qataryna qosylyp, «qaýipsizdik pen qorǵanys» kategorııasynda óz pozıtsııasyn jaqsartty. Analıtıkalyq ortalyqtardyń búkilálemdik ındeks-reıtıngisiniń 2016 jylǵy qorytyndysy boıynsha, QR Prezıdenti janyndaǵy Qazaqstannyń strategııalyq zertteýler ortalyǵy álemniń 6 myńnan asa analıtıkalyq ınstıtýttary men ortalyqtarynyń arasynda tuńǵysh ret TOP-150 ortalyqtyń qataryna qosyldy. Buryn ınstıtýt jahandyq reıtıngte tek jekelegen kategorııalar men baǵyttar boıynsha oryn alyp júrgen»,-dep jazdy E.Qarın.
Analıtıkalyq ortalyqtarynyń búkilálemdik reıtıngisin Pensılvanııa ýnıversıtetiniń «Analıtıkalyq ortalyqtar men azamattyq qaýymdastyq» atty zertteý baǵdarlamasy júrgizedi.
