Qarın: «Adal azamat» baǵdarlamasy jekemenshik mektepterdi de tolyq qamtýy tıis

ASTANA. KAZINFORM — Memlekettik keńesshi bilim berý mekemelerinde tárbıe jumysyn uıymdastyrý jóninde jıyn ótkizdi. Bul týraly Aqordanyń baspasóz qyzmeti habarlady.

Memlekettik keńesshi Erlan Qarınniń tóraǵalyǵymen jalpyulttyq qundylyqtarǵa negizdelgen «Adal azamat» tárbıe baǵdarlamasynyń júzege asyrylýy jóninde jıyn ótti.

Basqosýǵa Oqý-aǵartý mınıstri Juldyz Súleımenova, Bala quqyqtary jónindegi ýákil Dınara Zákıeva, Y.Altynsarın atyndaǵy ulttyq bilim akademııasynyń jáne basqa da mekemelerdiń basshylary qatysyp, baıandama jasady.

Erlan Qarın bilim berý uıymdaryndaǵy tárbıe jumysynyń tıimdiligin arttyrý úshin qoldanystaǵy tásilderdi jetildirýdiń ózekti ekenine nazar aýdardy. Bul rette «Adal azamat» baǵdarlamasy bilim berý mekemelerin, sonyń ishinde jekemenshik mektepterdi de tolyq qamtýǵa tıis.

Memlekettik keńesshi vedomstvolar arasyndaǵy tyǵyz baılanys pen ustazdardy ádistemelik turǵydan turaqty túrde súıemeldeý tárbıe jumysynyń sapasyn arttyratynyn aıtty. Sondaı-aq bul iske ata-analar qaýymdastyǵyn jumyldyrýdyń mańyzyna toqtaldy.

Erlan Qarın atalǵan mindetterdi utymdy uıymdastyrý maqsatynda Oqý-aǵartý mınıstrligine naqty tapsyrmalar berdi.

Osyǵan deıin «Adal azamat» baǵdarlamasy ata-analardyń belsendiligin eki esege arttyrǵanyn jazǵan edik.