Karımovtyń qyzy Gollıvýd juldyzdary men qazaqstandyq kaskaderlar qatysqan ǵalym Ulyqbek týraly fılm túsirdi
ASTANA. QazAqparat - Shyǵys ǵalymy Ulyqbek týraly derekti fılm túsirildi. Bul týraly burynǵy Ózbekstan prezıdentiniń kenje qyzy Lola Karımova-Tıllıaeva Feısbýktaǵy paraqshasynda habarlady.
«Paraqshamda «Ulyqbek. Juldyz álemine qıyn sapar» derekti fılmniń jaryqqa shyǵatynyn habarlaımyn. Bul jubaıym Tımýr ekeýimizdiń kınoprodıýser retindegi birlesken alǵashqy eńbegimiz», - dep jazady Lola.
Derekti fılm ortaǵasyrlyq ǵalym jáne tanymal oıshyl Ulyqbektiń ómiri men eńbekterine arnalǵan.
«Fılm túsirý týraly burynnan oıym bar edi. Ulyqbek entsıklopedııalyq bilimi bar, tanymal ǵalym jáne beıbitshilikti qalaǵan basqarýshy bolǵany málim. Ulyqbektiń aty adamzat tarıhyndaǵy belgili - Galıleo Galıleı, Kopernık, Djoanas Kepler sekildi dúnıejúzilik ǵalymǵa ólsheýsiz úles qosqan ǵalymdarmen birge atalady. Ulyqbek bıleýshi bolǵan tusta Samarqand astronomııa salasyndaǵy aldyńǵy qatarly zertteýler jasaǵan halyqaralyq ortalyqqa aınaldy. Ulyqbek saldyrǵan rasythana (observatorııa) sol zamandaǵy tanymal ǵalymdardyń basyn qosty», - deıdi fılmdi túsirýshi.
Ol 1 118 juldyzdyń sıpattamasy bar aspan kartasyn jasady, jyldyń uzaqtyǵyn 25 sekýnd aıyrmamen eseptep shyǵardy.
«Biz fılm stsenarııimen uzaq ári tyńǵylyqty jumys jasadyq. Onda ataqty ǵalymnyń ómirin tolyq kórsetemiz.
Kartınanyń rejısseri Bahodyr ıÝldashevpen jas kezimizden beri tanyspyz. Onymen kezdesken kezde men joba týraly aıttym, ol qýana kelisimin berdi.
Fılmdi túsirýge Oksford ýnıversıtetiniń Bodlıanskaıa kitaphanasy, Brıtanııa mýzeıi, Prıston ýnıversıteti, Grıffıta observatorııasy, Kók jaǵalaý observatorııasy (Frantsııa), Kalıfornııa ýnıversıtetiniń kitaphanalary, The David Collection Kopengagen mýzeıi, Oksfordtaǵy qasıeti Djon kolledjindegi Oksford tarıh ǵylymdarynyń mýzeıindegi derekter paıdalanyldy.
Túsirilimge ózbekstandyq jáne qazaqstandyq kaskaderlar jumyldyryldy, sondaı-aq sol zamanǵa saı kıimderdi tańdap alýǵa barynsha mán berildi.
Fılmge dúnıejúzilik kınematografııanyń juldyzdary - Vınsent Kassel, Armand Assante, Frantsısko Ovalleler qatysty. Sondaı-aq ózbekstandyq kıno sheberi Maǵrýfa Otajonova, Javahır Zakırov men Hashım Arslanovtardyń eńbegin aıta ketý kerek.
Fılm sazyn tanymal Gollıvýd kompozıtory Ýolter Afanasev jazdy. Ol «Tıtanık», «Aladdın», «Notr-damdyq búkir», «Gerkýles» jáne taǵy da basqa kınolarǵa mýzyka jazǵan.
Fılmniń tusaýkeseri týraly biz keıinirek habarlaıtyn bolamyz», - deıdi Lola Karımova-Tıllıaeva.
