Kárim Másimovtiń jasandy ıntellekt jónindegi kitaby shyqty

NUR-SULTAN. QazAqparat – Qazaqstan Respýblıkasy Ulttyq qaýipsizdik komıtetiniń tóraǵasy Kárim Qajymqanuly Másimovtiń jasandy ıntellekt jónindegi kitaby shyqty, dep habarlaıdy QazAqparat.

«Sledýıýşıı vlastelın mıra. Iskýsstvennyı ıntellekt» aty 27 qyrkúıekte jaryq kórgen kitap «LıtRes» elektrondy kitaptar servısinde jarııalandy.

«Jasandy ıntellektiniń taralýy artyp kele jatqandyqtan biz medıtsına, bıoınjenerııa, robot tehnıkasy, ǵaryshty ıgerý jáne qarýlandyrýda buǵan deıin bilmegen salalardyń jáne serpindi ınnovatsııalardyń paıda bolýyn aıqyndaıtyn jańa dáýirdiń kýágeri bolýdamyz.

Avtor ret-retimen jasandy ıntellekti damýynyń negizgi kezeńderine tolyq sholý jasaı otyryp, JI-ny qazirgi kúndelikti ómirde qoldanylýyna kóshedi, birqatar elderdiń jasandy ıntellekti strategııasynyń ulttyq erekshelikterin usynady», - delingen 210 betten turatyn kitaptyń sıpattamasynda.