Kárim Másimov Terrorızmge qarsy ortalyqtyń otyrysyn ótkizdi
Otyrysta bıylǵy jyldyń jumysy qorytyndylandy.
Terrorıstik aktsııalarǵa jol bermeý boıynsha jáne jalpy alǵanda elimizdegi jaǵdaıdyń turaqtylyǵyn saqtaýǵa kúsh salynǵany ataldy.
Qabyldanǵan sharalar nátıjesinde bastapqy kezeńinde terrorıstik aktini jasaýǵa baǵyttalǵan 3 umtylystyń joly kesildi. 7 radıkaldyq toptyń jáne 34 jekelegen ekstremıstiń qylmystyq áreketteri beıtaraptandyryldy.
Qazaqstan Respýblıkasynda dinı ekstremızm men terrorızmge qarsy is-qımyl jónindegi 2018 – 2022 jyldarǵa arnalǵan memlekettik baǵdarlamasyn tabysty júzege asyrý qamtamasyz etildi. 2019 jylǵa belgilengen barlyq maqsatty ındıkatorlar mánine qol jetkizildi.
Birikken Ulttar Uıymynyń Qaýipsizdik Keńesiniń №2396 qarary sheńberinde avıatsııalyq kóliktegi jolaýshylar legine profaıler- mamandarynyń qyzmeti uıymdastyryldy.
Óńirlik terrorızmge qarsy komıssııalar turǵysynan terrorızmniń aldyn alýdyń, onyń ishinde jastar ortasynda uıymdastyrýshylyq tetikteri jetildirildi.
Aýqymdy jáne adrestik aqparattyq-uıymdastyrýshylyq is-sharalarmen 2,5 mln-nan astam adam qamtyldy.
Radıkaldyq kózqarastan 907 adam qaıtaryldy. Bas bostandyqtarynan aıyrý oryndarynda terrorıstik jáne ekstremıstik qylmys jasaǵandary úshin jazaǵa tartylǵan 162 sottalýshy radıkalsyzdandyryldy.
Jergilikti jerlerde «Jýsan» gýmanıtarlyq operatsııasy sheńberinde terrorıstik qarqyndy aımaqtardan qaıtarylǵan áıelder men balalardy ońaltý boıynsha jumys jolǵa qoıyldy. Burynǵy senimderinen osy áıelderdiń úshten bir bóligi bas tartty, qalǵandary boıynsha jumystar tabysty jalǵasýda.
Qazaqstandyq qoǵamdy terrorızm jáne ekstremızmdi nasıhattaýdan qorǵaý maqsatynda ınternet keńistigin monıtorıngteýdiń avtomattandyrylǵan júıesi iske qosyldy. Júıe áleýmettik jelilerdegi quqyqqa qaıshy kontentti aıqyndaýǵa jáne artynsha buǵattaýǵa múmkindik beredi.
Radıkaldyq ortaǵa qarýdyń, oq-dárilerdiń jáne jarylǵysh zattardyń túsýine jol bermeýdiń qosymsha aldyn alý tetikteri engizildi. Nátıjesinde osyndaı 17 jaǵdaıǵa jol berilmedi.
Qarýdyń elestetkish túrleriniń aınalymyna baqylaý ornatyldy. Óndiristik jarylǵysh zattar men materıaldardy, qoımalardy jáne áskerı bólimderdiń zymyran-artıllerııalyq qarý-jaraǵyn saqtaý oryndaryn kúzetý rejımi kúsheıtildi.
Memlekettik organdardyń basshylarymen asa mańyzdy obektilerdiń terrorızmge qarsy qorǵalý júıesin jetildirý sharalary qaraldy.
TQO otyrysynyń qorytyndylary boıynsha birqatar hattamalyq sheshimder qabyldandy. 2020 jylǵa arnalǵan TQO jumys jospary maquldandy.
