Kárim Másimov respýblıka Úkimeti janyndaǵy Ekonomıkalyq konsýltanttar keńesiniń kezekti májilisin ótkizdi

dep habarlady Úkimet basshysynyń baspasóz qyzmetinen.

Sársenbi kúni ótken Keńestiń májilisinde Qazaqstanda qor naryǵyn damytý máselesi jáne el ekonomıkasyn saralaýdaǵy onyń mańyzy talqylandy.

Jaryssózdi ashqan «Úshtik dıalog» dırektorlar keńesiniń tóraǵasy Asqar Elemesov, Qazaqstandaǵy qor naryǵynyń aǵymdaǵy jaǵdaıy men onyń damý perspektıvasy týraly zertteýlerdi tanystyrdy.

Talqylaý barysynda «QR Úkimeti men QR Ulttyq banki janyndaǵy Ulttyq taldaý ortalyǵy» aktsıonerlik ortalyǵynyń dırektorlar keńesiniń múshesi Arystan Esentúgelov, ekonomıka ǵylymdarynyń doktory, «Turan» ýnıversıtetiniń rektory Rahman Alshanov, «Qazaqstannyń Depozıtterdi kepildendirý qory» aktsıonerlik qoǵamynyń táýelsiz dırektory Janat Qurmanov, «Qazaqstan qarjygerleriniń qaýymdastyǵy» zańdy tulǵalar uıymynyń dırektorlar keńesiniń tóraǵasy Serik Ahanov, Qoǵamdyq problemalardy taldaý ortalyǵynyń jetekshileri Merýert Mahmutova men Qanat Berentaev, sondaı-aq vıtse-premer Erbol Orynbaev, Ekonomıkalyq damý jáne saýda mınıstri Janar Aıtjanova, Qarjy mınıstri Bolat Jámishev sııaqty tanymal sarapshylar óz pikirlerin ortaǵa saldy.